Kapulisan gipahimangnoan sa 50 meters nga gilay-on sa polling precincts atol sa eleksiyon

DAVAO CITY – Gipahimangnoan sa Commission on Elections (Comelec)-Davao ang mga uniformed personnel kalabot sa ilang limitasyon sa polling centers diin kinahanglan nakaposisyon lamang sila sa 50 meters ang gilay-on gikan sa polling precincts.

Gi-awhag ni Atty. Krisna Samantha Caballero, chair sa City Board of Canvassers, ang kapulisan ug militar nga motamud sa mga sumbanan nga gipagula sa Comelec atol sa eleksiyon.

Apan kung aduna sumala pay emerhensiya ug kinahanglan ang presensiya sa mga nahisgutan, mamahimo kini nga moresponde. Karon pa lang, nagpasalamat na si Caballero sa kontribusyon sa security forces ug uban pang law enforcement agency sa ilang mamahimong papel aron lamang magmalampuson ang ipahigayon nga eleksiyon.