DAVAO CITY – Nadala sa balay tambalanan ang usa ka atleta nga kalakip sa Palarong Pambansa 2019 human nga naparok ang ulo sa semento ug lain usab ang anaa karon sa ospital.
Una ng naila ang biktima nga si alyas Dafnie, 17-anyos, estudyante sa Special Education (SPED) ug partisipante sa special blind running event gikan sa Northern Mindanao.
Gikanayong nagsakay ang biktima sa school bus ug pag-abot niini sa Calinan Central Elementary School, nanganaug ang mga sakay ug aksidente nga nahulog si Dafnie sa gamay nga kanal nga duol sa gate.
Hinuon anaa sa maayo ang kahimtang niini human nga dali kining gidala sa Southern Philippines Medical Center (SPMC).
Samtang nadala sab sa ospital ang lain pa nga atleta human nga nakasinate ug pagpanakit sa kalawasan ug dili maayo makalihok.
Naila ang nahisgutan nga atleta nga anaa sa Calinan Central Elementary School nga si alyas Key, 17 anyos, wushu player ug taga Baloi National High School sa Lanao Del Norte human nga nakasinate ug pagpanakit sa kalawasan hinungdan nga dili kini makatarung ug lihok.
Hinuon dali nga gipang-atiman ang mga nahisgutan sa mga doktor sa SPMC ug laoman nga mabalik ang ilang kalagsik ayha ang opening sa Palarong pambansa karong adlaw nga domingo.
