DAVAO CITY – Naghinobra nga kainit ang gitan-aw nga hinongdan sa pagbusikad sa bomba stockroom sa Davao City Police Office (DCPO) alas 11:30 kagahapon sa kaudtohon ug giisip nga aksidente nga pagbusikad sa mga na-recover nga mga bomba pinasikad sa imbestigasyon nga gilusad sa mga sakop sa DCPO ug sa Police Regional Office (PRO) 11.
Ang lanog nga pagbusikad nabati Technical Support Platoon, EOD/K9 Unit sa Davao City Police Office.
Human mabati ang lanog nga pagbusikad Police Senior Master Sergeant Lucilito B. Hormol, EOD Technician midagan padulong sa likod nga bahin sa K9 cage area aron sa pagsuta sa hinongdan sa kusog nga pagbusikad.
Namatikdan nila nga ang Ammunition Storage nasunog nga resulta sa pagbusikad ug gilayon nga gipahibalo si P/Capt. Artemio N. Pabuhot, JR., team leader sa Explosive and Ordnance Division ug sa K9.
Dali gilayon nga gipapahawa ang mga personahe gikan sa barracks area.
Gisundan gilayon kini sa pagpasulod sa mga truck sa Bureau of Fire Protection (BFP) aron nga mapasiritan ug tubig ang nagdilaab nga storage room nga natapus human sa kinse minutos nga operasyon.
