DAVAO CITY – Gipanghimakak sa Davao City Police Office (DCPO) nga vintage bomb ang mibusikad kagahapon sa mga alas 11:30 sa kaudtohon.
Sumala pa kang DCPO Director Police Col. Alexander Tagum ang anaa sulod sa mibusikad ug nasunog nga storage room mao ang mga bomba nga posibling magamit pa sa mga iduso nga kaso, sama sa mga na-recover gikan sa ISIS-Maute Terrorist Group.
Lahi sumala pa ang ilang tipiganan sa mga vintage bomb kay sa mga nakompiska nga mga bomba ug explosibo nga ginabutang nila sa storage room.
Ang nahisgutan nga storage room, sumala pa kang Tagum gama sa buhos ug baga nga concrete wall.
Gidugang ni Police Col. Tagum nga nagapangita na sila karon ug kabalhinan sa mga na-recover nga mga explosibo ug mga bomba aron nga kalikayan nga masubli pa kini sa umaabot nga panahon.
Kini alang sa kaluwasan sa mga residente nga nanimuyo doul sa DCPO.
Gitataw hinoon ni Police Col. Alexander Tagum nga ang mga nanimuyo sa giisipnga kalakip sa luna sa DCPO posibling papahawa-on na alang sa ipatuman nga expansion sa kampo sa umaabot nga panahon.
