Mibahad si Pangulong Rodrigo Duterte nga mogamit sa tropa sa kagamhanan alang sa usa ka “suicide mission” kung ang Beijing dili moluag sa Manila-occupied island sa South China Sea.
Gihimo ni Duterte ang bahad atol sa pakigpulong sa usa ka rally sa dakbayan sa Puerto Princesa sa Palawan human nga ang kagamhanan mikompirma nga mokabat ngadto sa 275 ka mga Chinese boats ug ships ang namatikdan sa dapit sa Thitu Island sa Spratly Island chain.
Sumala sa pangulong makighigala ang Pilipinas sa China, apan kinahanglan nga dili niinitandugon ang Pagasa Island ug uban pang isla nga gi-angkon sa Pilipinas.
Sa higayon nga dili gayud biya-an sa China ang nahisgutan nga Isla, momando sumala pa ang pangulo sa kasundalohan nga mangandam alang sa suicide mission.
Gitataw ni Duterte nga ang iyang pahayag dili bahad apan pahimangno ngadto sa usa ka higala.
Dili sumala pa siya mohangyo ug magpahilimos, apan nagpahimangno nga biya-i ang Pag-asa Island gumikan kay anaa ang sundalo sa Pilipinas sa dapit.
Usa ka gamay nga garrison sa tropa sa kagamhanan ug halos gatusan ka mga sibilyan ang nakabase sa Thitu o Pag-asa Island, nga nahimutang mga 500 kilometers (310 miles) gikan sa Palawan, usa sa mga isla nga milangkob sa Pilipinas.
Miulbo ang tensyon sa dapit sukad sa pagsugod sa 2019 sa South China Sea, usa sa ginailogan nga rehiyon sa kalibotan nga mahinongdanon nga shipping lane.
