DAVAO CITY – Anaa na karon sa pamunoan sa crocodile park ning dakbayan ang mga gagmay nga buwaya ug mga itlog nga una ng narekober atol sa gipahigayon nga entrapment operation sa mga sakop sa National Bureau of Investigation (NBI) 11 batok sa usa ka lalaki na namaligya niini sa parking lot sa usa ka Mall sa Bajada ning dakbayan.
Kahinumduman nga gibaligya sa dinakpan nga si Mark Lester Bringas residente sa kapalong Davao del Norte ang lima ka mga gagmay nga buwaya ug upat ka mga itlog nga kantidad ug P93,000.
Sa lima ka mga buwaya usa niini ang fresh water crocodile nga giilang usa sa mga critically endagered species.
Samtang ang lain pa nga mga buwaya ang susama nga salt water crocodile.
Sumala pa kang Juhary Guru, NBI agent, hayan nga magbilanggo ug upat ka tuig ang dinakpan sa higayon nga sad-an kini sa iyang salaod nga nahimo.
