DAVAO CITY – Daku ang pasalamat ni Nes-Ann Naraga sa Bangsa-Kagan karon nga siya ang nahimo nga Hiyas ng Kadayawan. Usa sumala pa kini ka maayong kahigayonan nga ikapahat sa tanan nga isip usa ka Kagan andam nga makigbisog, ug kaya sab sumala pa nga tabangan ang mga tribu o kristyano.
Nakuha niya ang Hiyas sa Kadayawan crown kagabii, diin nalabwan niya ang lain pang 10 nga mga contestants gikan sa lain pang mga tribu.
Sumala pa kang Nes-Ann isip mananaug sa Hiyas sa Kadayawan usa ka dakung kahigayonan aron nga ikapakita niya kung unsa ang kayang ipasegarbo sa ilang tribo.
Kini ang nahimo nga winning answer sa Hiyas sa Kadayawan 2018.
Atol sa coronation nga gipahigayon sa Rizal Memmorial Colleges (RMC) Gym, kagabii si Sittie Aisha Salim sa Bangsa-Maranao tribe gikoronahan isip Hiyas ng Panaghiusa, samtang Hiyas sa Kalambuan nga titulo naha-adto kang Karen Joy Dowing sa Bagobo-Klata tribe.
Si Dowing sab ang midaug sa Best in Cultural Presentation.
Ang uban pa nga mga kandidata mao sila si Lovern Jorich Bio (Bagobo-Tagabawa), Monera Mande (Matigsalug), Hanna Agujitas (Obu Manuvu), Juhaira Omar (Iranun), Rahma Musa (Tausug), Chiary Balinan (Ata), Norjanah Sirad (Maguindanaon), ug Sama Tata Dolina Ambo sa tibung Sama.
