DAVAO CITY – Gipalawman pa karon sa mga sakop sa Matanao PNP ang pagpanubay aron nga masayran kung si kinsa ang responsable sa pagpatay sa usa ka 4 anyos nga batang lalaki nga gikanayong mi-agi sumala pa ug torture.
Una ng gibutyag sa kapulisan nga narekober ang patay’ng lawas sa biktima sa may sapa sa Sitio Botilon, Brgy. Cabasagan, Matanao, Davao del Sur nga wala nay kinabuhi ug posibleng gi-torture sumala pa kini sa suspek gumikan kay gibitay-bitay kini.
Sa kasamtangan, aduna nay person of interest ang kapulisan apan padayon pa ang ilang gihimong pagpanubay.
Nagtuo ang kapulisan nga ang dahon sa saging nga gihigot sa bata ang hinungdan sa kamatayon niini.
Adunay nakita usab ang kapulisan nga samad sa agtang sa bata nga posibleng naparok sa bato.
Nanghinaut na lamang karon ang kabanay sa biktima nga maangkon gilayon nila ang hustisya ug masikop gilayon ang suspetsado.
