DAVAO CITY – Senior citizen nga gituohang gipaak sa lala nga bitin patay na nga nakaplagan sa iyang higdaanan.
Gikatakda nga ipailalum sa pag-autopsiya ang patay nga lawas sa biktima nga usa ka Jose Caling Carcasona, 74 anyos, menyo, wala’y trabaho ug residente sa Block 4, Phase II, Barangay Cabantian, Buhangin District, ning dakbayan sa Davao.
Gipahibalo na lamang sa usa sa mga kabanay ang Buhangin Police Station kalabot sa kamatayon sa biktima samtang anaa sa katulogon.
Nasayran sa imbestigasyon sa kapolisan nga mga alas 3:40 ang takna kagahapon sa hapon dihang nakaplagan ang patay nga lamang sa biktima sa iyang kabanay nga usa ka Salvador Sales, Jr. ang patay nga lawas sa biktima.
Sa wala nga bahin sa abaga sa biktima nakita ang porma sa pinaakan sa bitin.
Gipahiluna na sa punerarya ang patay nga lawas sa biktima.
