DAVAO CITY – Kabsan gilayon sa iyang kinabuhi ang usa ka incumbent Brgy. Kagawad sa Brgy. Guihing, Hagonoy Davao del Sur human kini nga gipusil sa lalaki nga nakamotorsiklo pasado alas otso kagabii samtang gisubay ang Brgy.Guihing National Hi-way partikular na duol sa Crossing Gemvill Hagonoy Davao del Sur.
Naila ang biktima nga si Cecilio C. Ordaneza, hamtong ang pangidaron residente sa nahisgutan nga lugar.
Sa inisyal nga imbestigasyon, samtang nagmaneho a iyang sakyanan ang biktima pauli sa ilang panimalay sa Gemvill, Guihing kalit kini nga gitaparan sa nakamotorsiklo ug gipusil gamit ang wala matino nga klase sa armas.
Nakaangkon ug daghanang samad pinusilan ang biktima sa iyang kalawasan nga maoy hinungdan sa iyang hinanaling kamatayon.
Gisubay pa karon sa otoridad kung unsa ang motibo sa krimen.
