DAVAO CITY – Dako ang pagpasalamat ni Rolando Abuyme Oring, ang kanhi coach ni IBF Jerwin “Pretty Boy” Ancajas sa subling pagsakmit niini sa kadaugan sa bagohay lamang nga nahuman nga sangka batok sa Filipino boxer Jonas Sultan nga gipahigayon sa Save Mart Arena sa Fresno, California ug nasaksihan karon adlawa dinhi sa nasud Pilipinas.
Gibutyag ni coach Oring sa pakighinabi sa Bombo Radyo Davao ganinang buntag sa tulumanong Good Morning Philippin ang mga gihimong techniques ni Ancajas aron nga mudaug sa maong kompetisyon.
Gisaysay usab ni coach Oring nga bilib usab siya sa gipakita nga performance ni Jonas Sultan tungod sa record niini sa iyang mga nakalabay nga dulang naapilan kung asa siya nagmadaugon tungod sa iyang determinasyon apan nahimuan gihapon kini ug pamaagi ni Ancajas aron nga pildihon ang iyang kalaban.
Samtang gibutyag usab sa kanhi coach ni Jerwin nga nag-agad lamang karon si Ancajas sa desisyon sa iyang mga coach sa sunod pa naka line up niini ng mga aktibidad sa natad sa boxing.
