-- ADVERTISEMENT --
DAVAO CITY – Mukabat sa P400,000 ang damyos sa nahitabong sunog nga nahitabo sa Purok lower 3, Lacson, Calinan, ning dakbayan sa Davao.
Sa inisyal nga imbestigasyon sa Calinan PNP pinaagi ni Sr. Fire Officer 1 Aldren Abrina sa Calinan Fire Station nasubrahan ug sugnod ang tapahan o pugon sa kopras nga gipanag-iyahan ni Nevelita Compra o Compra Merchandising human wala kini mabantayi.
Una niini, alas 12:02 sa udto sa dihang miulbo ang sunog human gibyaan sa mga trabahante ang pogon aron maniudto.
Hinuon, daling nakatawag sa Central 911 ug girespondihan dayon ang sunog hinungndan nga sayong gideklarang fire out ang sunog alas 12:45 sa udto.
Wala hinooy natala nga samdon o namatay sa nahisgutang sunog.
-- ADVERTISEMENT --
