DAVAO CITY – Gikalipay sa Bureau of Jail Management and Penology Region (BJMP) XI ang pagbalhin sa siyam ka mga high risk inmates sa Davao City Jail sa Maa ning dakbayan nga hingpit ng gidala ang mga nahisgutan Special Intensive Care Area (SICA) sa Camp Bagong Diwa, Bicutan, Taguig City.
Una ng gibutyag ni Jail Insp Edo Lobenia, Spokesperson sa Bureau of Jail Management and Penology Region (BJMP) XI nga pito sa mga akusado ang sakop sa grupong Maute Terror Group samtang 2 ang miyembro sa Abu Sayyaf nga gikanayong mipaluyo sa pagpamomba sa Roxas, Night Market bombing kaniadtong Septiyembre 2, 2016 nga gikamatay sa 15 ka mga tawo ug gika-angol sa halos 70 ka mga lain pang biktima.
Ang nahisgutang duruha ka miyembro sa Abu Sayyaf maoy responsable usab sa pagpangidnap sa tulo ka mga langyaw ug usa ka Filipina sa usa ka resort sa Samal, Davao del Norte kaniadtong Setyembre 21, 2015 nga dunay mga kasong Kidnapping with homicide.
Gipangunahan sa Special Tactics and Response (STAR) Team sa BJMP-XI, Task Force Davao ug PNP-High Way Patrol Group Region XI ang pagbalhin sa mga suspetsado.
Una ng gibutyag ni JSSupt Amelia A Rayandayan, Regional Director sa BJMP XI nga dugay na nilang gihangyo ang pagbalhin sa mga akusado ilabi na nga wala nila gipadaplin ang posibilidad nga mamahimong luwason ang mga nahisgutan sa ilang mga kaubanan ug mabutang sa kaduha-duhaan ang seguridad sa siyudad.
