DAVAO CITY – Subli nga gibanatan ni Pangulong Duterte ang New People’s Army human ang pagpatay sa usa ka CAFGU sa Sitio Hagimitan, Bolhoon, San Miguel, Surigao del Sur.
Gihimo sa pangulo ang iyang pahayag atol sa iyang pagtambong sa Idigenous Peoples (IPs) Leaders Summit sa Felix Apolinario Naval Station, Camp Panacan, Lungsod ng Dabaw.
Kahinumdoman nga sa mialbay nga adlaw gipatay sa mga rebelde si Mar Acevedo Bocales, miyembro sa 9th Special Forces Company sa 3rd Special Force Battalion sa Philippine Army.
Nasayran nga kanhing miyembro sa NPA si Bocales nga napuno sa dinunggaban ug ang ulo niini lima ka metros gikan sa iyang lawas nga gilabay sa pang-pang.
Gikondena hinoon kini ni Lt. Col Trinidad, Commander sa 36IB ang brutal nga kamatayon ni Bocales nga kung diin gitawag pa niini nga barbaric ug gipasalig nga gukdon niini ang mga rebelde nga mihimo sa krimin.
