DAVAO CITY – Patay ang magtiayon human walay puas nga gipamsil sa wala pa mailhing mga armadong tawo sulod sa ilang pinoy-anan sa Panacan ning dakbayan sa dabaw.
Giila ang mga biktima nga sila Jose Mahilum Apor, 58 anyos ug ang iyang asawa nga si Sylvia Furog Apor, 50 anyos, pulos mga residente sa Purok 25 Malagamot, Panacan, ning syudad.
Subay sa saysay sa pag-umangkon sa mga biktima nga si Michelle Apor Martinez, 21 anyos, naa siya sa iyang kuwarto sa dihang nakadungog ug sunod-sunod nga mga boto sa armas bandang alas 6:20 kagabii.
Paspas sumala pa siyang migawas sa iyang kuwarto ug nasaksihan gayud sumala pa niya ang pagpusil sa duha ka gma suspect sa iyang uyuan ug iyaan sa kusina nga bahin sulod sa ilang balay.
Gihulgway ni Michelle ang mga suspect nga naa sa kapin 20 hangtud 30 anyos ang pangidaron, io igo ang panglawas, naa sa 5’5 ang gitas-on, ang usa nagsul-ob ug itom nga jacket, nagkalo, samtang ang usa nag-t-shirt ug de kolor.
Dugang pa ni Michelle nga human sa pagpamusil dali nga miikyas ang mga suspect agi sa maindoor sa balay ug ming-sakay sa usaka motor paingon sa Malagamot area ning syudad.
Sa pag-suta sa SOCO, naka-angkon ang magtiayong Apor ug daghang mga samad pinusilan hinungdan sa ilang hinanaling kamatayon.
Ginasuta pa usab sa kapulisan kung unsa ang motibo sa krimen.
Nakuha usab gikan sa crime scene ang 4 ka basiyo sa bala ug lain pang 6 ka fired cartridge cases sa caliber 45 nga armas.
