DAVAO CITY – Nakuha sa dakbayan sa Davao ang target nga 2 million Tourist arrivals sa tuig 2017.
Gikonsidera kini sa opsiyal nga positive development luyo sa mipagtibabaw nga Martial law sa Mindanao.
Sa record sa Davao City Tourism Operations Office nasayran nga kinatibuk-ang 2,009,879 nga mga turista ang midayo sa Davao pinaagi sa bulan sa Enero hantod na sa bulan sa Disyembre.
Samtang, mitaas usab ang Domestic tourists nga anasa sa kapin 1,835,798 million itandi sa tuig 2016 nga dunay record nga 1,716,224.
Ang pinakataas nga natala mao ang sa bulan sa Agosto sa milabay nga tuig atol sa Kadayawan Festival nga miabot sa 185,660 itandi niadtong August 2016 nga anaa sa 171,851.
Mitaas usab ang Foreign tourist arrival data sa milabay nga tuig nga dunay 126,209 itandi sa 2016 nga dunay 124,863.
Misaka usab ang numero sa Balikbayans o returning residents nga anaa sa 47,872 itandi niadtong 2016 nga anaa sa 23,256.
Sumala pa kang Generose Tecson, head sa Tourism Operations Office kini tungod sumala pa sa kusog o lig-on nga relasyon tali sa local government ug private and public sectors.
Gihatagan usab niini ug gibug-aton ang security forces ug ang city government’s private industry partners sa paghimo sa dakbayan sa Davao nga attractive ngadto sa mga turista.
