DAVAO CITY – Nagpahimangno karon ang Food and Drug Administration (FDA) XI ngadto sa mga konsumante nga dili mopalit ug mga household ug urban pesticides diin nakasulat ang instructions sa uban nga mga foreign languages ug walay English o Tagalog translation
kini human nga adunay sumala pay siyam ka mga dili rehistrado nga mga household ug urban pesticide products nga gibaligya karon sa mga tindahan latas sa nasud.
Matud pa sa ahensiya nga subayon ang mga produkto kung aduna kini FDA registration number aron nga masiguro ang kaluwasan.
Ang nahisgutan nga produkto gilangkuban sa (1) Human Nature 100% Natural Bug Shield Mosquito Repellent Deet-Free Oil, (2) Pili Bug Me Not Moisturizing Lotion Made with Pure Pili Oil, (3) Lion-Tiger Mosquito Killer King Size New Improved, (4) Lion-Tiger Mosquito Killer Lavender Scented Coils, (5) Mon-Expert Quality Mosquito Coil Lavender, (6) Read a Dream Yuanmeng Mosquito Repellent Incense, (7) Sweet Dream High Quality Black Mosquito Repellant Incense (Jasmine), (8) Wawang Sun Universe Frogking Insecticide Aerosol (Lemon), ug (9) Wawang Sun Universe Frogking Insecticide Aerosol (Rose).
Gikanayong magdepende sumala pa ang nahisgutan nga items kung asa kini nga lugar o nasud gihimo.
Pipila niini ang gimugna lamang dinhi sa nasud, China, Thailand samtang ang uban walay nakabutang nga labels.
Gikanayong ang paggamit sa nahisgutan nga produkto mamahimong moresulta sa skin irritation, itchiness, anaphylactic shock, respiratory disorders, endocrine complications, pagkadaut sa utok ug organo.
Nanawagan ang ahensiya ug kooperasyon ug seguruhon nga dili ipadayon ang distribution sa nahisgutan nga produkto hangtud nga dili maasikaso sa mga kompanya ang gikinahanglan nga authorization.
