DAVAO CITY – Gi-angkon sa mga sakop sa New People’s Army (NPA) ang pagpatay sa usa ka babaye nga taga-Sta. Cruz, Davao del Sur didto sa lalawigan sa North Cotabato.
Naila ang biktima nga usa ka Jocelyn Yala, residente sa Sta. Cruz, Davao del Sur.
Sa gipadangat nga mensahe sa Guerilla Front 53 gi-angkon niini nga ilang gipatay si Yala human gitudlo nga mao ang hinongdan sa kamatayon ni Kumander Kiram, niadtong bulan sa Mayo.
Sa mga impormasyon nasayran nga si Yala, sakop sa rebeldeng NPA nga mibalik na sa sabakan sa kagamhanan, ug nahimong intillegence asset sa 39th IB Philippine Army ubos kang Lt. Col. Harold R. Gamosa.
Ang biktima mao sumala pa ang nagahatag ug impormasyon sa military sa nahimutangan ni Kumander Kiram, hinongdan sa iyang klamatayon.
Si Kiram gibanhigan sa mga armadong kalalakin-an sa utlanan sa Bansalan, Davao del Sur, ug Makilala, North Cotabatro sa dihang pauli na unta sa President Roxas, North Cotabato.
Nasayran nga gipatay si Yala sa NPA samtang sakay sa iyang motorsiklo sa iyang pagbisita sa iyang mga kabanay sa Barangay Green Hills, President Roxas, North Cotabato nga padayon karon nga gi-imbestigahan sa kapolisan.
