DAVAO CITY – Dawat na sa pamilya ni Corporal Albert Binoya ang gidangatan niini bisan nga sayo kini nga nawala kanila.
Si Binoya ang nag-inusarang miyembro sa kasundalohan nga napatay dihang nahitabo ang engkuwentro tali nila sa mga rebelde sa LS Sarmiento Monkayo Compostela Valley niining milabay nga adlaw.
Sa nahisgutan nga insidente, anaa usab sa walo ang patay sa bahin sa New People’s Army (NPA) diin unom niini naila nga sila Renato Tinoy alyas Jun-Jun, 34 anyos, Raymundo Lino alyas Jeje”, 15 anyos; Ramon Perida alyas “Kokoy”, 42 anyos; Maymay Perida, alyas Ansay ug Jessa Lario “alyas Erika” 17 anyos.
Una ng gibutyag ni Capt. Rhyan Batchar ang tigpamaba sa 10th ID nga naila sumala pa nila ang mga napatay sa mga rebelde gumikan sa mga rebel returnees nga ilang mga kanhi kaubanan.
Gikondena sab ni Capt. Batchar ang padayon nga pagpang-recruit nga gihimo sa mga rebelde ilabi na sa mge menor de edad.
Gikanayong kadaghanan sa mga napatay nga NPA ang wala pa gi-claim sa ilang mga kabanay ug gipahimutang karon sa usa ka lokal nga punerarya.
