DAVAO CITY – Nagpadala na ug mga mga social workers ang City Social Services and Development Office (CSSDO) sa Barangay Domingga sa Calinan ning dakbayan sa Davao aron subayon ang mga nag-unang panginahanglanon sa mga residente human nga namakwit kini tungod sa nahitabong giyera tali sa militar ug rebeldeng New People’s Army (NPA).
Kahinumduman nga mikabat sa 86 ka mga pamilya ang temporaryong nagpabilin karon sa Barangay Hall sa Domingga sukad nga miulbo ang giyera.
Apan mamahimo na sumala pa nga makabalik ang mga nahisgutan sa mosunod nga adlaw sa higayon nga ideklara na sa militar nga luwas ang maong dapit.
Una ng mihangyo si Brgy. Capt. Ivy Marie Lumandas ug hinabang ngadto kang Davao City Mayor Inday Sara Duterte Carpio ilabi na nga kadaghanan sa mga residente naapektohan ang ilang mga pinuy-anan ingon man panginabuhian.
