DAVAO CITY – Pagsalmot sa Unyon sa labor inspection suportado sa usa ka labor group.
Gipaluyohan sa nagka-isa labor coalition ang lakang sa labor department nga ilakip ang labor union sa mga labor inspection alang sa higpit nga labor standards.
Sumala pa kang Remy Torres, sa Partido Manggagawa nga kalakip kini sa ilang giduso nga agenda ngadto sa Labor Department aron nga katabangan ang ahensya sa pag-monitor ug pagdakop sa mga kompanya nga wala nagatuman sa labor code.
Sumala pa kang Torres nasabtan nila ang kahimtang sa DOLE nga kulang sila ug mga Labor Inspectors hinongdan nga ilang ginaduso ang paglambigit sa mga labor Unions tungod sab sa ilang kasayuran sa labor standards, apan dili sumala pa otomatiko nga katogotan sa Dole gumikan kay kinahanglan nga ka-aprobahan pa ni Dole Secretary Silvestre Bello The Third ang listahan sa mga labor union representative ug ipailalum pa sa orientation ug training ayha pa sila i-deploy sa Dole.
Nanghinaut ang Partido Manggagawa nga pina-agi niini motamod na ang mga kompanya sa Labor Standards, ug magpanagana na kini sa pag-abuso sa ilang mga empleyado, labi na sa hisgotanang Labor Only Contracting.
