DAVAO CITY – Gi-awhag sa usa ka environmental group ang kagamhanan nga dili ipadayon ang pagtugot sa ipahigayon nga mountaineering activities sa Mt. Apo.
Matud pa kang Chinkie Peliño-Golle, acting executive director sa Interface Development Interventions, kinahanglan pa ug dugang tuig aron nga hingpit nga makompleto ang rehabilitasyon sa giilang pinakataas nga bulkan sa Pilipinas.
Una ng nagpagula ug resolusyon ang Protected Area Management Board nga hingpit nga nagtapos sa gipatuman sa closure sa pagsaka sa Mt. Apo ug subli na kini nga ablihan sa mga trekkers.
Apan babag niini ang mga environmentalist gumikan kay usa ka tuig pa ang milabay human ang nahitabong halapad nga sunog sa bulkan nga milungtad ug pipila ka semana.
Ugmang adlawa, Abril 5 gikatakda nga magtigom ang mga stakeholders nga tambongan sa Department of Environment and Natural Resources ingon man nagkadaiyang grupo aron nga hisgutan ang subling pag-abli sa Mt.apo.
