DAVAO CITY – Gikompirma sa nag-inusara nga survivor sa ambush sa Sibayan, Bansalan nga gitiwasan sa mga rebeldeeng New People’s Army ang upat ka mga police nga nangamatay sa panghitabo.
Sumala pa kang PO3 Allen Arnado nga naglingkod siya sa likod sa driver niadtong higayona, dihang nakita niya nga dunay bala nga miigo sa windshield sa ilang gisakyan nga police mobile.
Dugang pa ni Arnado nga dali siya nga naka-abli sa pultahan ug mikamang palayo sa gilay-on nga singkwenta metros gikan sa crime scene.
Sumala pa kang Arnado nga dihang mihunong ang pagpangbanhig , nakadungog siya ug usa ka singgit nga nagmando nga pakanaugon ang mga police aron nga tiwasan ug nadungog na sab niya ang laing hugna sa mga boto-boto sa mga armas.
Sumala pa kang Armado nga kwarenta minutos human sa pagpang-ambus, gidoul siya ug mga sibilyan sa dapit ug gidala sa pinakadopul nga hospital.
Alang kang Arnado tataw kayo nga murder ang gihimo9 msa mga rebeldeng NPA ug dili tawhanon gumikan kay dili man mga combatant ang mga gipang-ambus.
