DAVAO CITY – Nadala sa balay tambalanan sa Provincial Hospital sa Davao del Sur ang usa ka hamtong nga lalaki kinsa gi-unay pagdunggab sa iyang kaugalingon nga igsuon.
Biktima naila nga si Rogelio Matus, 39 anyos, minyo, residente sa Brgy. Lati-an Kiblawan Davao del Sur.
Subay sa gipahigayon nga imbestigasyon sa otoridad, nag-inom ang biktima ug igsuon niini nga si Flabiano Matus, 43 anyos, apan nagkalalis sumala pa ang duruha gumikan sa iyang kahubog hinungdan nga mikuha ug sanggot ang suspek ug gittigbas ang iyang igsuon sulod sa duruha ka higayon.
Dali nga gidala sa balay tambalanan si Rogelio samtang ang igsuon niini nga si Flabiano ang anaa sa kustodiya sa kapulisan.
Wala pa sab gibutyag kung pasakahan ug kaso sa iyang kaugalingon nga pamilya ang suspetsado.
