DAVAO CITY – Padayon nga mituo ang muslim community sa Davao City kang Pangulong Rodrigo Duterte luyo sa pagbaliktad ni SPO3 Arturo Lascañas batok sa kanhi sa lungsod.
Kini ang nahimong reaksiyon sa usa ka Imam ug presidente sa Hidayah Mosque & Madrasah sa Bankerohan,
Davao City nga si Abubaqar Camid Dima diin gibutyag niini nga dili sila mouto nga ang kanhi amahan sa lungsod ang mipaluyo sa pagpamomba sa granada sa mosque sa Bankerohan kaniadtong tuig 1993 human nga gibombahan ang San Pedro Catheral.
Una ng gi-angkon ni SPO3 Lascañas nga si Pangulong Duterte ang nagmando nga bombahan ang nahisgutan nga mosque.
Hugtanon sab nga gibutyag ni Dima nga walay kamatuoran ang pahayag ni Lascañas ug 100% pa gihapon ang ilang suporta kang Duterte.
Si Abubacar Camid Dima ang ika-upay nga Imam ug presidente sa Hidayah Mosque & Madrasah sa Bankerohan.
Ang nahisgutan nga mosque ang pinaka-unang mosque sa lungsod diin nahitabo ang pagpamomba kaniadtong panahon pa sa iyang uyuan nga si Macaumbao Camid Sultan.
