DAVAO CITY – Gikompirma ni Lt. Col. Irwin Bernard Neri, Task Force (TF) Davao Commander nga nadakpan nila ang duha ka mga NDF Consultant sa ilang Sirawa Toril Checkpoint kaganinang mga alas 9:00 ang takna sa buntag.
Sumala pa kang Col. Neri nga ang mensahe nga ilang nadawat naghisgot kalabot sa mga tawo nga dunay nag-ong-ong nga mga kaso ug pinangita ug wala sila masayud nga mga NDF Consultant ang mga nahisgutan.
Naila ang mga nangadakpan nga sila si Ariel Arbitraryo, ug Roderic Mamuyac nga dali sab dayon nila nga gitunol ngadto sa mga sakop sa Criminal Investigation and Detection Group (CIDG) Eleven.
Wala sumala pa sila masayud nga mga consultants sa National Democratic Front in the Philippines ang gi-alarma sa ilang mga checkpoint, labi na sa Sirawan, Toril.
Sumala pa kang Col. Irwin Bedrnard Neri nga naka-hightened alert sila sa kasamtangan gumikan sa mga panagtagbo sa ASEAN representatives.
Kini ang hinongdan nga dali gilayon sila nga mi-aksyon human nga gitawgan nga dunay mga wanted persons nga mo-agi padulong sa Davao del Sur.
