Gipasaka pa sa Philippine Rice Information System (PRiSM) ang gilapdon sa mga humayan nga ginabanabanaang maapektuhan sa mga pag-ulan nga dala sa namugnang TD Querobin sa Mindanao.
Sumala pa sa pagbana-bana sa satellite-base rice monitoring system sa nasud, mamahimong mukabat sumala pa sa 19,119 ka ektarya sa mga humayan ang maapektuhan, layo nga mas taas, tandi sa inisyal nga halos duha ka libo nga ektarya niadtong nakalabayng adlaw.
Kini maoy gilangkuban sa 925 ka ektarya sa mga humayan nga kasamtangang anaa sa vegetative phase ug 5,442 ka ektarya nga anaa sa kasamtangan nga ripening stage.
Ang dako nga porsyento niini maoy anaa sa reproductive phase.
Kini maoy katugbang sa 12,752 ka ektarya sa mga humayan.
Sagad niini, nagagikan sa mga probinsya sa Mindanao, samtang mamahimo sab nga maapektuhan ang mga humayan sa mga probinsya sa Bicol Region gumikan sa bug-at nga pag-ulan.
Sumala pa usab sa laing pagbana-bana sa state weather bureau, nga sa musunod nga 24 oras, dako sumala pa ang tsansa nga adunay matigayong makusog nga pag-ulan sa kinatibuk-ang bahin sa Bicol Region, Eastern Visayas, ug sa mga probinsya sa Agusan Del Norte ug sa Agusan Del Sur, Davao De Oro, ug Davao del Sur, gumikan sa epekto sa tropical depression ug Shear Line.
