Gipahibalo sa Davao City Police Office nga 412 ka mga indibidwal ang nadakpan atol sa ilang kampanya batok sa kriminalidad niadtong Mayo 2026 ubos sa liderato ni DCPO Dir. PCol.Peter Bauzon Madria.
Sa kampanya batok sa ilegal nga droga, 162 ka operasyon ang gihimo nga miresulta sa pagdakop sa 182 ka drug personalities ug pagkumpiska sa kapin 2.6 ka kilo sa shabu ug 593.83 gramos nga marijuana nga adunay gibanabang street value nga kapin P18.4 milyon.
Sa kampanya batok sa ilegal nga sugal, 67 ka mga tawo ang nadakpan pinaagi sa 58 ka operasyon ug nakumpiska ang P21,100 nga pusta.Sa manhunt operations, 143 ka wanted persons ang nadakpan, lakip ang 82 ka most wanted persons ug 61 ka uban pa nga gipangita sa balaod.
Samtang, sa kampanya batok sa loose firearms, 20 ka mga tawo ang nadakpan ug 24 ka armas ang nakumpiska.
Dugang pa, 32 ka armas ang boluntaryong gitugyan, tulo ang narekober ug 28 ang giturn-over alang sa safekeeping ubos sa Oplan Katok.
Matod sa DCPO, ang maong mga kalampusan resulta sa panagtinabangay sa kapulisan, mga opisyal sa barangay, lokal nga gobyerno ug sa mga Dabawenyo nga padayon nga naghatag og suporta ug impormasyon sa mga awtoridad.
