DAVAO CITY- Giataki sumala pa sa kasing-kasing ang usa ka edaran nga lalaki atol sa pagsulod sa kapulisan sa KOJC compound kaganihang kaadlawon sa Catitipan ning dakbayan sa Davao aron sa pagsilbi sa warrant of arrest batok sa nagtago-tago nga si Pastor Apollo C. Quiboloy.
Sumala pa ni P/Maj. Catherine Dela Rey ang tigpamaba sa PRO-11 pasado alas sais ang takna kaganihang buntag nabugtuan sumala pa sa kinabuhi ang edarang lalaki, apan gipaklaro sa opisyal nga wala pa nila nakita ang patay nga lawas. Sa karon wala pa’y pangalan usab nga nahuka sa giingong nakabsan sa kinabuhi nga lalaki.
Una ng gika-report nga adunay nakuyapan atol sa pagsulod sa 2000 ka mga pulis sa KOJC compound aron isilbi ang warrant of arrest batok sa Pastor ug sa upat pa niini ka mga kaubanan.
Una ng gikanayon sa opisyal nga nga alas kwatro kaganihang kaadlawon malinawon nga nasulod sa kapulisan ang compound nga gituohan nga nagtagao ang gipangita nga si Quiboloy ug upat ka mga myembro tungod sa kasong human trafficking, sexual ug child abuse ug uban pa.
Apan gibutyag sa usa sa mga legal counsel ni Quiboloy nga si Atty. Torreon nga migamit sumala pa ug teargas ang kapulisan sa ilahang pagsulod sa compound nga karon wala pa’y gipaguwa nga pamahayag sa bahin sa kapulisan.
Una ng gikanayon ni PRO-11 Director PBrig. General Nicholas Torre 111, nga desidido sila nga madakpan si Quiboloy karong adlawa.
