Nangayo og pasaylo si VP Sara og kapasayluan sa tanang miyembro ug deboto sa KOJC gumikan matud pa sa pag-awhag niini nga iboto si Pres. Ferdinand ‘BongBong’ Marcos, Jr. niadtong 2022 presidential elections.
Gani, hugot nga gikondena ni Vice President Sara Duterte ang pagsilbi sa kapulisan og warrant of arrest batok kang Pastor Apollo Quiboloy.
Sumala pa sa ikaduhang pangulo, di matud pa madawat ang nahitabo sa sulod sa Kingdom of Jesus Christ gumikan matud pa daghang mga inosente ug magtutuo ni Quiboloy ang nadamay.
Dugang pa ni VP Sara Duterte, hilabihan ang paggamit sa kapulisan sa ilang gahom nga miresulta matud pa sa pagpangharass, mga menor de edad nga naabuso lakip na ang gikatahong nakabsan og kinabuhi.
Ang maong lakang matud pa usa ka dakong kalapasan sa konstitusyon lakip na ang katungod sa matag usa.
Usa matud pa kini ka ‘betrayal’ kon traydor nga lakang.
Gani, Gikwestiyon sab niini ang matud pa paggamit sa kapulisan sa ilang gahom ug di makatarunganong pagpangabuso sa ‘ordinaryong Pilipino’ aron lamang ipatuman ang ilang operasyon gumikan sab ang mga akusado giila isip ‘Duterte-supporter’.
Samtang sa pikas bahin, nagpaabot sab sa iyang kasubo si kanhi Pang. Rodrigo Duterte atol sa pagsilbi og warrant of arrest sa kapulisan ngadto sa Kingdom of Jesus Christ compound.
Nagpaabot sab sa iyang simpatiya si FPRRD ngadto sa KOJC gumikan matud pa mga nabiktima sa ‘political harrasment’, persecution, violence ug abuse of authority.
Gani, gumikan sa maong panghitabo, midugang matud pa kini sa kangitngit sa dakbayan gumikan sa pangpangulo sa mga opisyales sa kapulisan dinhi sa rehiyon.
Nanawagan sab ang kanhi pangulo ngadto sa mga nahibilin matud pang disente ug patriyotikong miyembro sa gobyerno ug di matud pa tugutan ang kaugalingon nga gamiton ug abusohon gumikan lamang sa iligal nga mga mando.
Nanawagan sab kini ngadto sa tanan nga iampo ang tanan aron maangkon ang kalinaw ug maangkon ang saktong hustisya.
Mihangyo sab kini ngadto sa kasamtangang administrasyon nga siguruhon ang pagpreserba sa ‘constitutional rights’ sa matag Filipino.
