DAVAO CITY- Misalmot si Vice President Sara Duterte atol sa selebrasyon sa 39th Anniversary and Feast of the Passover sa The Kingdom of Jesus Christ kagahapon sa gabie.
Ang maong malipayong pagsaulog ang gisalmutan usab sa libuan ka mga miyembro ug missionaryo sa KOJC gikan sa nagkadaiyang bahin sa tibuok kalibutan.
Atol sa speech sa bise presidente, nagkanayon pa kining iyahang ginapangayo ang kapasayluan gumikan namali kini.
Namali matud pa kini sa pagpangayo og tabang ug suporta gikan sa mga miyembro sa KOJC alang kay Pangulong Ferdinand Marcos Jr.
Dugang pa niini nga maong karon lamang kini makabista, human ang siyam ka adlaw gumikan aduna matud pay pag-atake usab sa Office of the Vice President ug dili niya mabiyaan ang iyahang mga kaubanan.
Subli usab nagpahinumdom ang bise presidente nga bisan pa man wala kini pirme sa mga malipayong adlaw sa KOJC apan anaa kini pirme sa panahon sa kasubo sa maong grupo.
Dugang pa ni VP Sara nga wala pa kini siya sa punto sa mga miyembro sa KOJC nga kayang higugmaon ang mga kalaban.
Apan,alang niini dili man matud pa niini kaya nga gihugmaon ang mga kalaban apan nagatuo kini sa pamulong nga ang “gaba sa ginoo ang dili magsaba”.
