DAVAO CITY – Gipahimangnoan karon ang usa ka poultry farm sa Dacudao, Calinan District nga kinahanglan ipatuman niini ang hygienic practices human ang reklamo sa mga residente sa lugar gumikan sa daghanan nga mga langaw.
Gikanayong midagsang karon ang daghanang langaw sa komunidad gumikan sumala pa sa pagpasagad sa poultry farm sa lugar.
Tungod niini, gimandoan sa City Environment and Natural Resources Office ang Rer Cabrera Poultry Farm nga mohimo gilayon ug aksiyon sa reklamo sa mga residente sa lugar.
Ang nahisgutan nga poultry farm nahimutang sa Purok 10, Barangay Dacudao nga gipanag-iyahan ni Dr. Reuben Cabrera.
Sumala kang Barangay Secretary Roel Piquero, bisan nga daghan ug poultry farms sa maong area, ang Rer Cabrera Poultry Farm maony pinakaduol nga poultry farm sa komunidad hinungdan nga nakadawat kini ug daghanang reklamo.
