DAVAO CITY – Human ang nahimong pahayag ni Pangulong Rodrigo Duterte batok sa mga investment firms nga nagtanyag ug Ponzi schemes, gi-anunsiyo karon ni Rigen Marketing founder John Rigen nga temporaryo una nila nga ihunong ang payouts sa ilang mga investorsi hangtud nga dili masulbad ang isyu tali sa the Securities and Exchange Commission (SEC).
Una ng gibutyag sa Rigen nga mi-isyu na kanila ang SEC ug Cease and Desist Order (CDO) apan ila sumala pa nga i-apela ang gipagula nga CDO. Una ng gimandoan ni Pangulong Duterte ang Criminal Investigation and Detection Group (CIDG), National Bureau of Investigation (NBI), ug Philippine National Police (PNP) ang pag-shut down sa “pyramiding” investment schemes nga nagtanyag ug dakong tubo.
Kahinumduman nga una ng nagpagula ang SEC ug advisory kaniadtong May 24 batok Rigen Marketing diin gibutyag sa commission nga makonsidera kini nga “fraudulent investment scheme”.
Nagsugod ang Rigen sa Tagum City, Davao del Norte ug napalapdan kini sa Davao Oriental, Occidental, Davao del Sur, General Santos City ug uban pang kasikbit nga siyudad ug munisipalidad. Gikanayong nagtangyag kini sa pag-solicit ug investments ug saad sa mga investors nga mabalik ang 400 percent sulod lamang sa 30 ka adlaw.
