DAVAO CITY – Usa sumala pa ang namatay nga pasyente gumikan sa sakit nga Human immunodeficiency virus/acquired immunodeficiency syndrome (HIV/Aids) kaniadtong bulan sa Marso kini base sa gipagula nga pahayag sa Davao City Reproductive Health and Wellness Center (RHWC) samtang nagkataas sumala pa ang ihap sa maong balatian diin pinakabag-o ang anaa sa 101.
Base sa data gikan Department of Health-Epidemiology Bureau (DOH-EB) pinaagi kang Eddie Batoon, community health outreach worker of Aids Society of the Philippines–RHWC, nga sa bulan sa Marso adunay bag-ong ihap sa mga kaso ang natala gawas pa sa bulan sa Enero nga adunay 15 ug Pebrero adunay 24.
Gikanayong ang ihap nga natala sa bulan sa Marso ang base sumala pa sa confirmatory data nga gisumite sa RHWC ngadto sa DOH-EB. Sa 101 ka ihap, unom niini ang babaye samtang 95 ang lalaki.
Sagad sumala pa sa mga nataptan ang anaa sa edad 25-34 anyos nga anaa sa 52, gisundan sa 15-24 (45), 35-49 (11) ug 50 ang pinakatigulang nga adunay tulo.
Sumala pa sa RHWC adunay 2,805 HIV/Aids cases ang natala sa siyudad sukad 1984.
