DAVAO CITY – Daghanang mga establisyemento sa lalawigan sa Davao del Sur ang pabilin pa gihapon karon nga sirado human ang kusog nga linog gumikan sa naangkon niini nga kadaut.
Kahinumduman nga una ng gisuspende ni Digos City Mayor Josef Cagas ang operasyon sa Gaisano Grand Mall, Gaisano Market Place, Gaisano Malls (GMall), Gaisano Center, Novo, Unitop, Unicity, Digos City Warehouse Club, ug daghanan gumikan sa daghanang liki sa gambalay.
Gitataw ni Cagas nga ang pagpasira sa gambalay pinasikad sa inter-agency team nga gitahasan sa pag-assess sa kadaut sa tanan nga mga gambalay sa siyudad.
Ang maong team gilangkuban sa City Disaster Risk Reduction and Management Council, Bureau of Fire Protection, Philippine National Police, Armed Forces of the Philippines, ug uban pang ahensiya.
Segun ni Cagas, nga dili na sumala pa luwas ang gambalay sa mga empleyado ug shoppers kung tugtan pa nga mag-operate ang mga nahisgutan ilabi na kung walay ipahigayon nga inspeksiyon.
Samtang gipahimangnoan sab ni City Information Officer Nikkolo Marco Aurelio Cortes ang tanan nga mga establisyemento nga apektado sa pagpasira nga mo-comply sa inspection ug mokuha ug mga gikinahanglan nga occupancy clearance gikan sa lokal nga panggamhanan.
Pipila sumala pa sa mga gambalay ang nanginahanglan ug total demolition, depende sa kadaut nga naangkon niini.
