DAVAO CITY – Gibutyag ni Davao City Tourism Office head Generose Tecson nga laoman sumala pa nga makasinate ug dakong kawad-on sa revenue ang turismo sa dakbayan tungod sa coronavirus disease (COVID-19) pandemic.
Sumala sa opisyal nga sa kasamtangan, wala pa nasubay sa ilang buhatan kung pila na ang nawala nga revenue sa tourism industry players tungod sa COVID-19 ilabi na nga daghanang mga negosyo ang apektado karon sa virus sa tibuok kalibutan.
Nasayran nga nahimong maayo ang Local tourism sa milabay nga mga tuig gumikan kay naka-awhag kini ug pipila ka mga international ug domestic airlines ug nag-abli ug bag-ong direct routes.
Sa milabay nga tuig, nakatala ang siyudad ug 2.57 million tourist arrivals o adunay pagsaka nga 7.55 percent gikan sa 2.39 million sa 2018.
Sa kasamtangan, nakigtigom na matud pa ang lokal nga panggamhanan sa mga tourism leaders aron nga mohimo ug post-COVID-19 recovery plan.
