DAVAO CITY – Nanawagan ang mga Indigenous peoples (IPs) tribal leaders ngadto sa Department of Education (DepEd) nga i-revoke ang permit nga gi-isyu sa Salugpongan Ta’tanu Igkanugon Community (Salugpungan).
Sumala pa kang Mindanao Indigenous Peoples Conference for Peace and Development (MIPCPD) chairman Datu Lipatuan Joel A. Unad, padayon ang mga lumad nga mangyao ug pakitabang sa militar pinaagi kang National Security Adviser Secretary Hermogenes Esperon Jr. gumikan sa presensiya sa Salugpungan ug ang gidumala niini nga tulonghaan nga makonsidera nga “national security threat issue.”
Gikanayon sa nahisgutan nga leader nga napalabang na sa tribu ang resolusyon nga nagbabag sa presensiya sa Salugpungan sa ilang areas gumikan kay gigamit sumala pa ang ilang mga anak sa rebeldeng grupo aron nga masuko batok sa gobyerno.
Kahinumduman nga gihatagan sa DepEd ug lugway nga hangtud sa Hulyo 11 aron nga motubag sa show cause order human nga nagpagula ang ahensiya ug suspension order sa ilang operasyon.
Apan gipamugos sa tribal members nga angayan sumala pa nga dili na hatagan ang Salugpungan ug permit sa ilang operasyon.
