Gipahibalo sa International Olympic Committee ang ilahang bag-ong polisiya kabahin sa mga mosalmot sa kompetisyon.
Usa niini, ang mga sports alang sa kababayen-an nga kinahanglan lamang salmutan sa mga tinuod nga babaye ug dili tugutan ang mga transgender women.
Sumala kang Kirsty Coventry, epektibo kini sugod sa 2028 Los Angeles Olympics.
Gipangulohan sa ilahang medical experts ang maong polisiya, ug gipaklaro nga dili patas nga apilan sa usa ka dili tinuod nga babaye ang dula alang sa kababayen-an.
Lakip usab sa pagbawal ang mga atleta nga adunay Differences in sex development diin ang hormones, genes, o reproductive organs adunay sagol nga lalaki ug babaye nga kinaiya.
Paghugtan usab ang screening sa matag partisipante sa mga kababayen-an nga sports pinaagi sa saliva, blood, o swab sample.
Ang mga dili makapasar mahimong moapil sa sports nga walay sexual classification.
