DAVAO CITY – Gibutyag ni Tagum City Mayor Allan Rellon nga magsugod na unyang alas siete sa gabie ang total lockdown sa siyudad human usab ang gipatuman nila nga community quarantine ug partial lock down kagahapong adlawa.
Sumala pa kang Mayor Rellon, aduna na silay gipahimutang nga mga checkpoints sa lugar diin dili na tugtan nga makagawas ug makasulod ang mga pampubliko ug pribadong sakyanan gawas lamang ang sakyanan sa crisis management ug response team, emergency vehicles, PNP, militar ug emergency repair services.
Tanan nga mga aktibidad nga maapektohan kinahanglan nga i-coordinate sa multi-agency coordinating council for covid-19.
Salig si Mayor Rellon nga kung motamud ang katawhan sa gilatid nga mga sumbanan, mamahimong magmalampuson ang pagpakgang sa corona virus disease (Covid-19).
