Nagpasidaan ang Islamic Revolutionary Guard Corps (IRGC) sa Iran nga ilahang isirado ang Strait of Hormuz.
Kini ilahang himuon kon targeton sa Estados Unidos ug Israel ang ilahang mga energy infrastructures.
Dugang pa nila, dili sila magduha-duha sa pagbalos sama sa pag-target usab sa mga importanteng imprastraktura.
Sumala kang Iranian parliament speaker nga si Mohammad-Bagher Ghalibaf, ilahang gub-on ang tanang imprastraktura sa tibuok gulf region.
Nagpasidaan usab siya nga posibleng molungtad pa ang pagsaka sa presyo sa mga produktong petrolyo.
Matud pa, kaniadto nagpahimangno si US Pres. Donald Trump nga sulod sa 48 oras kinahanglan abrihan sa Iran ang Strait of Hormuz, ug kung dili, targeton sa US ang oil ug energy infrastructures sa Iran.
