DAVAO CITY – Angol ang usa ka tindero og bulak human nga maatrasan og jeep samtang igo lamang kini namaligya sa iyang bulak sa Bankerohan Public Market,duol sa turnohan og trisikol ug Amesco Drug, alas 8:40 sa gabie, Hunyo 8 ning tuiga.
Saysay sa driver nga wa niya damha ang panghitabo gumikan samtang nagpaabot kini og pasahero, kalit matud pa nga nawad-an og preno ang jeep nga route 6 nga ginamanehuan rason nga miatras kini ug nahulog sa gutter nga maoy nahimong hinungdan nga nabanggaan niini ang trisikol nga nagparada sa likod nga bahin niini.
Gumikan sa maog panghitabo, samaran sa agtang ang usa ka tindero og bulak nga giilang si Abil Macatanto,24 anyos ug residente sa Parang Maguindanao.
Hinoon, gilayong miabot ang rescue team og gihatagan og paunang tambal ang biktima.
Samtang ang drayber sa jeep anaa na sa kustodiya sa kapulisan.
Padayon pa sab nga ginapanubayan sa Bombo Radyo Davao ang ngan sa maong drayber.
