DAVAO CITY – Gipusil patay sa mga otoridad ang usa ka drug personality human kini nanlaban sa gipahigayong buybust operation sa Kasipagan St., Purok 5, Lower Ledesma Vill., Brgy.10-A, Davao City.
Sigon sa report, giila ang napatay nga suspek nga si alyas Ding-ding, anaa sa 20 ngadto sa 25-anyos ang pangidaron, residente sa San Antonio, Barangay Buhangin.
Napalitan ang dinakpan og 13 grams nga mga pinaugang dahon sa Marijuana.
Sa dihang namatikdan sa dinakpan nga otoridad ang iyang ka-transaksyon, kalit kining mibunot og pusil sa iyang sling bag, apan naunhan siya og pusil sa usa ka pulis, hinungdan sa iyang hinaling kamatayon.
Daling gidala sa Southern Philippines Medical Center ang suspek diin kini gideklarang dead on arrival.
Narekober sa otoridad ang usa ka Magnum revolver ug ang 91 grams nga gidaghanon sa pinaugang dahon sa marijuana nga nagkantidad og P15,470.
via || Bombo LJF
