DAVAO CITY – Gibutyag sa Davao Inter-Agency Task Force nga gipailalom na nila karon ang tibuok Davao region sa Enhanced Community Quarantine.
Ang ECQ declaration pinasikad na sab sa gi-isyu nga Executive Order No. 31 series of 2020 ni Davao del Norte Governor Edwin Jubahib, kini aron pagpatuman sa mga lakang aron padayon nga mabatukan ang pagkuyanap sa coronavirus disease sa tibuok probinsiya sa Davao del Norte.
Kahinumduman nga ang nagpadayon karon nga COVID-19 crisis ang mikalas na ug liboan ka mga kinabuhi.
Gikanayong sa Davao del Norte, ang kumpirmadong kaso sa mga siyudad sa Tagum ug Panabo ang pagpamatuod nga ang virus hapit na nga moabot sa ilang utlanan.
Gikanayong ang pagsaka sa COVID-19 cases sa Tagum City, ang nahimong rason sa gipatuman nga lockdown kini human ang pahayag sa health officials kalabot sa posibleng “local transmission” sa virus. Una na sab nga gipagula ang Executive Order No. 15, series of 2020, nga nagpailalom sa tibuok Municipality sa Santo Tomas sa Enhanced Community Quarantine.
Sayod ang lalawigan sa economic impact sa ECQ declaration apan kinahanglan sumala pa nga mohimo ug lakang aron masiguro ang kaayohan sa panglawas sa publiko ingon man ang kaayohan sa mga katawahan sa lalawigan.
