Giangkon sa Davao City Police Office – Traffic Enforcement Unit, nga usa matud pa sa mga nag-unang hinungdan sa mga disgrasya sa kadalanan dinhi sa dakbayan mao ang “Human Error”.
Sumala pa sa gigunitan niining datos, diin alang matud pa sa kinatibuk-ang mga insidente nga adunay kalabutan sa mga disgrasya sa kadalanan nga natala dinhi sa syudad, sukad niadtong bulan sa Enero hangtod bulan sa Oktubre ning tuiga, 97% matud pa niini ang hinungdan sa maong mga disgrasya mao ang Human Error, samtang anaa sa 2% sab ang mga Vehicle defect ug 1% sab ang road effect.
Na-obserbahan sumala pa sa mga otoridad nga adunay pagsaka ang mga natalang disgrasya sa bulan sa Oktubre, tandi sa bulan sa Setyembre.
Dugang pa niini, nga sagad sumala pa sa mga nalambigit sa mga disgrasya sa kadalanan mao ang mga private vehicle nga anaa sa 40%, samtang 17% sab alang sa mag motorsiklo, ug 9% sab alang sa mga dagkong mga sakyanan susama sa truck, diin sagad kini nagakahitabong mga vehicular accident gikan sumala pa alas 2 ngadto alas 4 sa hapon, diin ginakonsiderang rush hour dinhi sa dakbayan sa Dabaw.
Pahimangno na lamang sa mga otoridad ngadto sa mga motorista nga kanunayng mutamod sa balaud trapiko, ingon man nga mamahimong defensive driver aron nga makalikay sa disgrasya sa kadalanan.
