DAVAO CITY – Bisan nga malinawon ang dakbayan matag adunay ipahigayon nga eleksiyon, wala pa gihapon gipadaplin sa Task Force Davao ang mga posible nga terror attack sa siyudad isip kabahin sa pagpangandam sa nagsingabot nga bugnong lugaynon sa bulan sa Mayo.
Sumala pa kang TF Davao Commander Colonel Darren Comia, padayon nila nga gimonitor ang sitwasyon apan wala pa silay nadawat nga bahad kalabot sa terrorism o election related violence.
Apan padayon sila nga naka-monitor kaabag ang Davao City Police Office arun nga kanunay sab sila nga andam sa mga posibleng mahitabo.
Nagapahigayon sab sumala pa karon ang TF Davao ug training, brainstorming, ug conceptualization arun nga andam ang kanunay ang mga personahe sa TF Davao.
Samtang sa bahin sa Davao City Public Safety and Security Command Center (PSSCC) head Retired Police Lt. Colonel Angel Sumagaysay nga kinahanglan pabilin nga alerto ang siyudad bisan nga walay nadawat nga bahad gumikan kay alang lamang kini sa kaayuhan sa tanan nga mga Dabawenyos.
