DAVAO CITY – Gipahibalo sa ahensiya sa Department of Public Works and Highways (DPWH) 11 nga ablihan na ugmang adlawa ang Talomo bridge 2 human ang pipila ka bulan nga pagkumpuni niini. Dungan sa pag-abli laoman nga mamahimong hapsay na sab ang dagan sa trapiko sa nahisgutan nga dapit.
Sumala pa kang Dean Ortiz, tigpamaba sa DPWH 11 nga kasamtangan gihan-ay na lamang ang tanan ug anaa na sa finishing touch ang tulay ayha kini subling ablihan ugma sa udto.
Kahinumduman nga gisugyot ang pagkumpuni sa tulay aron nga mapabilin ang kalig-on niini.
Samtang gitino sab ni Ortiz nga mamahimo pa gihapon nga magamit ang Bailey bridge nga nagkonekta sa Ulas ug Bangkal ning siyudad.
Gikanayong alas 12:00 ugma sa kaadlawon abli na sa mga motorista ang nahisgutan nga tulay.
