DAVAO REGION- Gipahigayon karong adlawa ang Nationwide Registration Day sa Social Security System nga nagsugod kaganihang 8:00 am hangtod sa 5:00 pm.
Tumong niini aron nga maila ang importansya sa SSS membership ug ipaila-ila ang bag-ong gipatuman nga My.SSS Pension Booster.
Atol sa maong kalihukan members ug non-members ang mamahimong maka-avail sa mga serbisyo lakip ang SSS Number Application, Inquiry, Verification, pag-update sa personal information, online services assistance, ug uban pang offsite services.
Dinhi sa Mindanao, ang aktibidad ilawom sa SSS Mindanao South 1 Division ang gilangkuban sa SSS Bajada Branch Office, NCCC Mall Buhangin, DMW office, Gaisano Mall, Bajada, Brgy. Pampanga, ning syudad ug ang LGU IGACOS Davao Del Norte Gaisano Grand Citimall, Ilustre St., ug ang Davao Overland Transport Terminal, Davao City SSS Toril Office, Gaisano Grand Mall, Saavedra St., Brgy. Lizada, Toril Davao City Digos Public Market.
Lakip sab ang SSS Panabo Office, sa Marcel Bldg, National Highway, San Francisco Panabo City, Gaisano Grand Mall of Tagum Activity Center / Atrium, ingon man ang PESO Governor Generoso, Davao Oriental.
