DAVAO CITY – Nakumpiska ang kapin P325 million nga ilegal nga produkto sa lana nga karga sa dagkong barko atol sa gilusad nga operasyon sa Hijo Port, Barangay Madaum, Tagum City, Davao del Norte.
Gilusong sa mga sakop sa Naval Forces Eastern Mindanao ug Bureau of Customs-Davao District anv barkong gihinganlan ug M/TKR LILIAN MARIE.
Nasuta sa report sa NFEM nga naglawig sa kadagatan sa Maco, Davao de Oro.
Nasayran sab nga lahi ang gigamit nga Maritime Mobile Service Identity ug call sign nga gigamit sa maong vessel.
Atol sa operasyon, narekober gikan sa maong barko ang kapin usa ka milyones litros nga produkto sa lana.
Mag-atubang ang mga nalambigit niini ug kasong paglapas sa Section 1113 sa RA 10693 kon Customs Modernization and Tariff Act, ug Section 7 of DOF-BOC-BIR Joint Circular 001-2021 nga Treatment of Unmarked Fuel, Diluted Marked Fuel or Containing Fraudulent Marker.
