DAVAO CITY- Adunay gikatakda nga ipahigayon nga simulation exercise (simex) dinhi sa dakbayan sa wala gibutyag nga adlaw o oras karong bulana.
Kini ang usa ka simulation exercise nga ang tumong aron mamahimong masayod ang mga katawhan sa dakbayan sa hisgutanang seguridad nga kini kabahin gihapon sa pagpakusog sa kampanya nga culture of security ” May nakita dapat magsalita” dinhi sa syudad.
Samtang giawhag sab sa lokal nga panggamhanan ang mga katawhan nga dili magpanic ug lauman sab niini nga guot ang dagan sa trapiko ug adunay madelatar nga bayhe sa maong adlaw.
Gumikan niini naghangyo karon ang mga otoridad sa lawom nga pagsabot sa maong aktibidad gumikan ang tumong ug tinguha niini mao ang kahapsay ug kalinaw ug siguridad sa tibuok syudad.
