DAVAO CITY – Gitugutan sa lokal nga panggamhanan sa Davao City ang mga sidewalk vendors nga mamaligya kilid sa mga kadalanan apan sa limitadong panahon lamang.
Gikanayon ni Paul Bermejo, Ancillary Services Unit head, duna lamang sila’y hangtud sa katapusang adlaw sa Disyembre karung tuiga, ug extension hangtud Enero 2, sunod tuig.
Sumala pa nga dili na pabalikon ug paninda ang gipahawa nga mga vendors dapit sa Bajada corner Sta. Ana sanglit ipambalik na sab ang mga pedestrians duol sa lugar.
Sa pikas bahin, namatikdan sab ang ubay-ubay na pagdaghan sa mga manindahay panahon sa Pasko.
Pagbutyag ni Bermejo, personal pang midangop ang mga vendors gikan San Pedro, Uyanguren, ug Ilustre sa opisina sa ASU niadtong unang simana sa Disyembre aron muhangyo nga tugutan silang mag-double side sama na lamang sa pagtugot kanila sa mga karaang administrasyon nila kanhi mayor Rodrigo ug Sara Duterte.
Gihatagan pud sila ug permiso ni Mayor Baste Duterte. Nagpulong ang demolition team sa buhatan nga ilista ang mga vendors nga gitugutang mag-double side lakip na ang lawak kon asa sila dapit maninda.
Gitugutan ang mga vendors sa pagkakaron nga maninda kilid sa mga kadalanan aron maka-income karong panahon sa Pasko.
via || Bombo LJF
